3 րոպեի ընթերցում
ԱՆՈՆՍ
03 նոյեմբեր, 2025
ՀՀ նախագահական
Ժամը 10:00-ին Ազգային ժողովի 334 դահլիճում կկայանա ԱԺ պաշտպանության եւ անվտանգության հարցերի, ֆինանսավարկային եւ բյուջետային հարցերի մշտական հանձնաժողովների համատեղ նիստ: Օրակարգ՝ «Հայաստանի Հանրապետության 2026թ. պետական բյուջեի մասին» օրենքի նախագծում նախատեսված եկամուտներ եւ ծախսեր՝ ներքին գործեր:
Ժամը 12:00-ին Ազգային ժողովի 334 դահլիճում կկայանա ԱԺ պաշտպանության եւ անվտանգության հարցերի, ֆինանսավարկային եւ բյուջետային հարցերի մշտական հանձնաժողովների համատեղ նիստ /նիստը դռնփակ է/: Օրակարգ՝ «Հայաստանի Հանրապետության 2026թ. պետական բյուջեի մասին» օրենքի նախագծում նախատեսված եկամուտներ եւ ծախսեր՝ պաշտպանություն, ազգային անվտանգության ծառայություն, պետական պահպանության ծառայություն, արտաքին հետախուզության ծառայություն, պետական ռեզերվներ:
Պետական կառույցներ
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Ֆրանկոֆոնիայի միջազգային կազմակերպության Կենտրոնական և արևելյան Եվրոպայի գրասենյակի ղեկավար Էրիկ Պոպպի, դրամատուրգ Մատեի Վիշնիեկի, «Հայաստանում ֆրանկոֆոն թատերական հանդիպումներ» նախագծի համահիմնադիրներ Անի Ջանիկյանի ու Լուսինե Աբգարյանի ասուլիսը։ Թեմա. ֆրանկոֆոն թատերական հանդիպումներ. ծրագրերն ու առաջիկա անելիքները։
Կուսակցություններ, ՀԿ-ներ, միջազգային կազմ-ներ
Ժամը 13:00-ին «Ժառանգություն» կուսակցության Էջմիածնի տարածքային ստորաբաժանման գրասենյակում՝(Սուրբ Մովսես Խորենացի, 17/բ) «Ժառանգություն» կուսակցության համահիմնադիր Րաֆֆի Կ.Հովհաննիսյանին կմիանա Վաղարշապատի քաղաքապետի «Ժառանգության» թեկնածու Արկադի Փայտյանը՝ մամուլի ասուլիսի համար:
Ժամը 19:00-ին Գաֆեսճեան քանդակների պուրակում (Կասկադ համալիր) կկայանա «Թէատրոն» կատարողական արվեստների ֆրանկոֆոն միջազգային փառատոնի փակման արարողությունը: Կախման կետին մոտենալու փորձեր. Մոտեցում 1․հակադրություն, Մոտեցում 17.․բացում. պերֆորմանս (Յոան Բուրժուա, Ֆրանսիա) և «PRELUDE» բացօթյա պարային ներկայացում (Կադեր Ատու, Ֆրանսիա):