1 րոպեի ընթերցում
Սիրիայի պաշտպանության նախարարության պաշտոնական պատվիրակությունը՝ գլխավոր շտաբի պետ Ալի Նաասանի գլխավորությամբ, ժամանել է Մոսկվա: «Արմենպրես»-ի փոխանցմամբ՝ այս մասին հաղորդում է Syria TV-ն՝ հղում անելով Սիրիայի Արաբական Հանրապետության պաշտպանության նախարարությանը։
Հեռուստաալիքի տվյալներով՝ պատվիրակությանը դիմավորել է Ռուսաստանի պաշտպանության փոխնախարար Յունուս Բեկ Եվկուրովը։ Այցը տեղի է ունենում երկու երկրների պաշտպանության նախարարությունների միջև համակարգման մեխանիզմների զարգացման շրջանակներում, նշում է հեռուստաալիքը։
Հուլիսի 31-ին պաշտոնական այցով Մոսկվա էր ժամանել Սիրիայի անցումային կառավարության պաշտպանության նախարար Մարհաֆ Աբու Քասրան։