1 րոպեի ընթերցում
Ֆիլիպիններում տեղի ունեցած 6,9 մագնիտուդով երկրաշարժի զոհերի թիվը հասել է 72-ի, 294 մարդ վիրավորվել է։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։
Հոկտեմբերի 1-ի գիշերը գրանցված ստորգետնյա ցնցումների պատճառով վնասվել են էլեկտրալարեր, կամուրջներ և բազմաթիվ շենքեր։ Հիմնականում տուժել է Սեբուի նահանգը, որտեղ աղետի դրություն է հայտարարվել։
Սեբու կղզում տեղի ունեցած երկրաշարժն ամենամահացուն է 2013 թվականից ի վեր, երբ 7,2 մագնիտուդով երկրաշարժի հետևանքով զոհվել էր 222 մարդ։
Ֆիլիպինները գտնվում է խաղաղօվկիանոսյան «Հրե օղակի» վրա։ Երկրում տարեկան ավելի քան 800 ցնցում է գրանցվում։