2 րոպեի ընթերցում
ԱՆՈՆՍ
21 սեպտեմբեր, 2025
Պետական կառույցներ
Ժամը 11:00-ին Օղակաձև զբոսայգու 6-րդ հատվածում մինչև հանրային խաղահրապարակի պաշտոնական բացման մեկնարկը, նախատեսվում է շրջայց խաղահրապարակով՝ Երևանի քաղաքապետի մասնակցությամբ, որտեղ կներկայացվեն նախագծի առանձնահատկությունները և իրագործման գործընթացը։ Ժամը 11:30-ին Օղակաձև զբոսայգու 6-րդ հատվածում կկայանա Երևանի ամենամեծ՝ 2000 քմ տարածքով, ժամանակակից հանրային անվճար խաղահրապարակի բացումը։ Արարողությանը ներկա կլինեն Երևանի քաղաքապետ Տիգրան Ավինյանը և «Կերոն» զարգացման հիմնադրամի գործադիր տնօրեն Վանանե Արարքցյանը, ովքեր հանդես կգան ողջույնի խոսքով։
Ժամը 13:00-ին Հայաստանի պատմության թանգարանում /Հանրապետութեան հրապարակ 4/ ՀՀ անկախության օրվա տոնական միջոցառումների շրջանակում «Սրբազան երկխոսություն. Լուվրից Հայաստանի պատմության թանգարան» խորագրով միջազգային ցուցադրության բացմանն ընդառաջ կկայանա մամուլի ասուլիս: Բանախոսներ՝ ՀՀ ԿԳՄՍ նախարար Ժաննա Անդրեասյան, ՀՀ-ում Ֆրանսիայի դեսպան Օլիվիե Դըկոտինյի, Լուվրի թանգարանի նախագահ-տնօրեն Լորանս դե Կար, Հայաստանի պատմության թանգարանի տնօրեն Դավիթ Պողոսյան: Ասուլիսից հետո ԶԼՄ ներկայացուցիչների համար կկազմակերպվի փակ դիտում: ՀՀ ԿԳՄՍՆ:
Կուսակցություններ, ՀԿ-ներ, միջազգային կազմ-ներ
Ժամը 13:00-ին Հանրապետության հրապարակում (շատրվանների մոտ) տեղի կունենա Պարույր Հայրիկյանի մամուլի ասուլիսը։