3 րոպեի ընթերցում
Օգոստոսի 5-ի միջոցառումների անոնս
Պետական կառույցներ
ժամը 14:00-ին հրավիրում ենք ՀՀ կենտրոնական բանկ՝ վերաֆինանսավորման տոկոսադրույքի ասուլիսի լուսաբանմանը (բանախոս՝ ՀՀ ԿԲ նախագահի տեղակալ Արմեն Նուրբեկյան):
Ասուլիսը, ինչպես նաև ուղիղ եթերով ասուլիսի հեռարձակումը կսկսվի ժամը 14:00-ին, ուստի խնդրում ենք Կենտրոնական բանկ գալ ասուլիսից առնվազն 10 րոպե առաջ: Խնդրում ենք ունենալ անձը հաստատող փաստաթուղթ:
Հարցերի դեպքում խնդրում ենք դիմել ՀՀ կենտրոնական բանկի հասարակայնության հետ կապերի ծառայությանը՝ 592592 (ներքին 0702) հեռախոսահամարով կամ mcba@cba.am<mailto:mcba@cba.am> էլ. փոստով:
Ժամը 07:00-ից Գաբրիել Սունդուկյանի անվան ազգային ակադեմիական թատրոնի և հարակից Անգլիական այգու տարածքում օգոստոսի 5-7-ը տեղի կուենա ՀՀ Սփյուռքի գործերի գլխավոր հանձնակատարի գրասենյակի կողմից կազմակերպվող Ազգային երիտասարդական երկրորդ համաժողովիը:
Համաժողովը կհյուրընկալի 18-35 տարեկան 600 սփյուռքահայ երիտասարդի 55 երկրից և 200 մասնակցի Հայաստանից։
Համաժողովը միտված է համահայկական երիտասարդական օրակարգի առանցքային հարցերի քննարկմանը, սփյուռքի և Հայաստանի երիտասարդական շրջանակների միջև ցանցային աշխատանքի ընդլայնմանը, հայրենիքում սփյուռքի երիտասարդների ներուժի ներգրավմանն ու երիտասարդների դերի մեծացմանը Հայաստան-սփյուռք համագործակցության շրջանակներում։
Եռօրյա համաժողովը հագեցած է լինելու բազմոլորտ քննարկումներով տարաբնույթ ձևաչափերում՝ պանելային նիստեր, ինտերակտիվ աշխատաժողովներ, բանախոսություններ, աշխատաժողովներ, կլոր-սեղան քննարկումներ, համայնքային կապերի ամրապնդմանն ուղղված հանդիպումներ, համաժողովի մեկնարկն ազդարարող մարզական մարաթոն, էքսպո, սփյուռքի հայ երիտասարդների մասնակցությամբ հայկական ազգային տարազների ցուցադրություն և այլ մշակութային միջոցառումներ։
Չհավատարմագրված լրատվամիջոցները չեն կարող մասնակցել միջոցառմանը:
Օրակարգն՝ այստեղ
Մշակույթ
Ժամը 16:00-ին Հայաստանի Նկարիչների Միությունում (Աբովյան փողոց 16, Երևան) «Ստեղծագործական կամուրջ» նախագծի շրջանակում տեղի կունենա միջազգային գիտաժողով:
Ժամը 18:00-ին՝ ցուցահանդեսի բացում:
«Ստեղծագործական կամուրջ» նախագծի առաջին ցուցահանդեսը տեղի է ունեցել Մոսկվայում՝ 2020թ., երկրորդը՝ Հարավային Կորեայի Սեուլ քաղաքում՝ 2022թ․։
Կազմակերպիչներ՝ Ճարտարապետության միջազգային ակադեմիա (IAD) Տարածական դիզայնի կորեական ինստիտուտ (KISD) «Տապան» հայկական թանգարանի և Հայաստանի Նկարիչների Միության աջակցությամբ:
Ցուցահանդեսում կներկայացվեն ճարտարապետական և դիզայներական նախագծեր, ինչպես նաև կիրառական և կերպարվեստի ստեղծագործություններ 14 երկրների հեղինակների կողմից։ Ցուցահանդեսի շրջանակում կկազմակերպվի միջազգային գիտաժողով, որին կմասնակցեն բանախոսներ և պրոֆեսորներ Իսպանիայից, Իտալիայից, Հարավային Կորեայից, Չինաստանից և Մեծ Բրիտանիայից։