Մարկուս Ռիտերը ՀՀ-ում Քուվեյթի դեսպանին է ներկայացրել ԵՄ առաքելության գործունեությունը

Եվրոպական միության դիտորդական առաքելության ղեկավար Մարկուս Ռիտերն առաքելության երևանյան գրասենյակում հյուրընկալել է Հայաստանի Հանրապետությունում Քուվեյթի Պետության դեսպան Մուհամմադ Տարեկ Ալի Ալ-Օրայֆանին։

«Արմենպրես»-ի հաղորդմամբ՝ այս մասին նշված է Հայաստանում ԵՄ դիտորդական առաքելության X-ի միկրոբլոգում արված գրառման մեջ։ 

«Պատիվ ունեցանք հյուրընկալել Հայաստանի Հանրապետությունում Քուվեյթի Պետության դեսպան Մուհամմադ Տարեկ Ալի Ալ-Օրայֆանին Երևանի մեր գրասենյակում՝ քաղաքավարության այցի շրջանակներում։ Առաքելության ղեկավար Մարկուս Ռիտերը դեսպանին է ներկայացրել առաքելության մանդատն ու գործունեությունը, ինչպես նաև հրավիրել այցելելու Եղեգնաձորում գտնվող առաքելության գլխավոր գրասենյակ»,-ասված է ԵՄ առաքելության գրառման մեջ։

Honoured to receive H.E. Mohammed Al-Oraifan, Ambassador of the State of Kuwait to 🇦🇲, for a courtesy visit at our Yerevan office.
HoM Markus Ritter provided an overview of EUMA’s mandate and activities and extended an invitation to visit the Mission HQ in Yeghegnadzor. pic.twitter.com/NTRlwj9Fqe

— European Union Mission in Armenia (@EUmARMENIA) July 15, 2025