368.26
Իսրայելը կանգ չի առնի և կհաղթի ՀԱՄԱՍ-ին․ Նեթանյահու
1 րոպեի ընթերցում
Իսրայելի վարչապետը հայտարարել է, որ երկիրը պետք է ավարտի «իրանական առանցքի» դեմ արշավը, հաղթի ՀԱՄԱՍ-ին և վերադարձնի բոլոր պատանդներին՝ թե՛ կենդանի և թե՛ մահացած։ «Արմենպրես»-ի փոխանցմամբ՝ այս մասին Բենիամին Նեթանյահուն ասել է հրեական ազգին ուղղված տեսաուղերձում, որը տարածվել է X-ի նրա էջում։
«Մեր ուշագրավ նվաճումներից անկախ` մենք չենք հանգստանալու, մենք կհաղթենք ՀԱՄԱՍ-ին և կազատենք բոլոր պատանդներին», - ասել է Նեթանյահուն։
Նրա խոսքով՝ «Իրանի դեմ «Արթնացող առյուծ» գործողության 12 օրվա ընթացքում մենք պատմական հաղթանակ ենք տարել, և այս հաղթանակը կմնա սերունդներ շարունակ»։
Նա իր գոհունակությունն է հայտնել մեկ հարվածով Իրանի ավագ հրամանատարությանը, այդ թվում՝ երեք շտաբի պետերին և շատ այլ բարձրաստիճան պաշտոնյաների, ինչպես նաև Իրանի միջուկային ոլորտի առաջատար գիտնականներին վերացնելու հանգամանքի առիթով։
«Առանց Գազայում, Լիբանանում, Սիրիայում ահաբեկչության դեմ պայքարի մեծ նվաճումների՝ մենք չէինք կարողանա հասնել Թեհրան», - նշել է նա։
Բաժանորդագրվեք մեր ալիքին Telegram-ում