ՆԱՏՕ-ի գլխավոր քարտուղարը հուսով է, որ ԱՄՆ-ի ռազմական ուշադրությունը կտեղափոխվի դեպի Ասիա
1 րոպեի ընթերցում
ՆԱՏՕ-ի գլխավոր քարտուղար Մարկ Ռյուտեն հուսով է, որ ԱՄՆ-ն իր ռազմական ուշադրությունը կտեղափոխի դեպի Ասիա՝ առանց Եվրոպայի համար անակնկալների: Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։
«ԱՄՆ-ն ավելի շատ կկենտրոնանա Ասիայի վրա, ինչը երկարաժամկետ հեռանկարում հավանաբար կնշանակի, որ պետք է փոխվի ռազմական ուժերի հավասարակշռությունը։ Ես հավատում և ակնկալում եմ, որ դա կարվի առանց անակնկալների»,- ասել է Ռյուտեն։
Միևնույն ժամանակ ՆԱՏՕ-ի գլխավոր քարտուղարն ընդգծել է, որ ամերիկյան ռազմական ուժերը, ներառյալ միջուկայինը, մնում են Եվրոպայում։
Նախկինում ԱՄՆ-ի նախագահ Դոնալդ Թրամփը ՆԱՏՕ-ի բոլոր անդամ երկրներից պահանջել էր պաշտպանական ծախսերը հասցնել ՀՆԱ-ի 5%-ի, իսկ Պենտագոնի ղեկավար Փիթ Հեգսեթը վստահեցրել էր, որ ԱՄՆ-ն դեռ չի ծրագրում նվազեցնել իր ռազմական ներկայությունը Եվրոպայում։