Ռուբեն Վարդանյանի կինը երախտագիտություն է հայտնել դժվարին պահին աջակցելու համար և ամուսնու կյանքից մի դրվագ ներկայացրել

Ռուբեն Վարդանյանի խնդրանքով նրա կինը՝ Վերոնիկա Զոնաբենդը տեսանյութով երախտագիտություն է հայտնել բոլոր նրանց, ովքեր այս ոչ հեշտ իրավիճակում աջակցել են իրենց ընտանիքին: 

«Արմենպրես»-ի հաղորդմամբ՝  Վերոնիկա Զոնաբենդը տեսանյութը հրապարակել է Ռուբեն Վարդանյանի «Ֆեյսբուք»-ի էջով՝ միաժամանակ՝  մի դրվագ է պատմելով  Վարդանյանի  կյանքից:

«Ուզում եմ ձեզ շնորհակալություն հայտնել, ձեր աջակցության և նամակների համար, ոչ այնքան դյուրին ժամանակահատվածում: Դա մեծ ուժ է տալիս՝ շարունակելու հավատալ, որ ամեն ինչ լավ է լինելու և, որ մենք կարող ենք հաղթահարել դժվարությունները, որոնց հիմա բախվել ենք: Բարեբախտաբար, անցյալ շաբաթ Ռուբենը դադարեցրել է հացադուլը և մենք շարունակում ենք առաջ ընթանալ»,- ասել է Զոնաբենդը՝ ներկայացնելով Ռուբեն Վարդանյանի կյանքից մի ոգեշնչող դրվագ: