1 րոպեի ընթերցում
Եվրամիությունը մտադիր չէ դադարեցնել զենքի մատակարարումներն Ուկրաինային, ինչը Ռուսաստանի համար հրադադարի պայման է։
Ինչպես հաղորդում է «Արմենպրես»-ը, Reuters-ի հետ հարցազրույցում այս մասին հայտարարել է ԵՄ դիվանագիտական ծառայության ղեկավար Կայա Կալասը։
«ԵՄ-ն մտադիր չէ դադարեցնել զենքի մատակարարումները Կիևին։ Մենք շարունակում ենք աշխատել օգնության ծրագրի վրա։ Ուկրաինան պետք է ունակ լինի պաշտպանել իրեն»,-հայտարարել է նա՝ պատասխանելով Կիևին 40 միլիարդ եվրոյի օգնության տրամադրման ծրագրի շուրջ ստեղծված իրավիճակի վերաբերյալ հարցին։
