ԱՄՆ նախագահ Դոնալդ Թրամփի ադմինիստրացիայի հետ մեր հարաբերությունները դրական են և գործընկերային․ ՀՀ ԱԺ նախագահ
1 րոպեի ընթերցում
Հայաստանի և Միացյալ Նահանգների միջև հարաբերությունները գործընկերային մակարդակում են։ «Արմենպրես»-ի հաղորդմամբ՝ ՀՀ Ազգային ժողովում ճեպազրույցի ժամանակ այս մասին հայտարարեց ԱԺ նախագահ Ալեն Սիմոնյանը։
«Մեր հարաբերությունները ԱՄՆ նախագահ Դոնալդ Թրամփի ադմինիստրացիայի հետ դրական են։ Մենք աշխատում ենք իրենց հետ, գործընկերային հարաբերություններ ունենք և շարունակելու ենք», – նշեց Սիմոնյանը։
ԱԺ նախագահը նաև ընդգծեց, որ Հայաստանը երբեք չի որդեգրել որևէ ամերիկյան կուսակցության նկատմամբ առանձնահատուկ մոտեցում։
«Մենք երբևէ տարբերակված մոտեցում չենք ունեցել՝ կապված դեմոկրատական կամ հանրապետական կուսակցությունների հետ։ Մենք բալանսը որևէ ձևով չենք խախտում», – հավելեց նա։