Այցելում եմ Ադրբեջանի կողմից մասնակիորեն օկուպացված Վայոց ձորի մարզ. ՀՀ-ում Ֆրանսիայի դեսպան

Հայաստանում Ֆրանսիայի դեսպան Օլիվիե Դըկոտինյին այցելել է Վայոց ձորի մարզ։ «Արմենպրես»-ի փոխանցմամբ՝ այս մասին Դըկոտինյին գրառում է արել X-ի իր միկրոբլոգում։ 

Այսօր այցելում եմ Վայոց ձորի մարզ։

Վայոց ձորի մարզը գտնվում է Ադրբեջանի կողմից մասնակիորեն օկուպացված հայկական տարածքի հենակետային հատվածում։ Այն ռազմավարական նշանակություն ունեցող մարզ է։

Այստեղ է գտնվում ԵՄ դիտորդական առաքելության (EUMA) կենտրոնակայանը։ pic.twitter.com/E7jFCQSf9L

— Olivier Decottignies (@O_Decottignies) February 28, 2025

«Այսօր այցելում եմ Վայոց ձորի մարզ։ Վայոց ձորի մարզը գտնվում է Ադրբեջանի կողմից մասնակիորեն օկուպացված հայկական տարածքի հենակետային հատվածում։ Այն ռազմավարական նշանակություն ունեցող մարզ է։ Այստեղ է գտնվում ԵՄ դիտորդական առաքելության (EUMA) կենտրոնակայանը»,- գրել է Ֆրանսիայի դեսպանը։

Դեսպանը մեկ այլ գրառմամբ հայտնել է Վայոց ձորի մարզպետ Կոլյա Միքայելյանի հետ հանդիպման մասին։ 

Եղեգնաձորում Վայոց ձորի մարզպետ պրն. Կոլյա Միքայելյանի հետ հանդիպմանը

➡️ ՀԵՄԱ Եվրոպական դիտորդական առաքելության վստահություն ներշնչող ներկայություն
➡️ Օ-դը-Ֆրանս շրջանի հետ համագործակցություն
➡️ Համագործակցությում գինեգործության ոլորտում (Բանդոլ-Արենի) pic.twitter.com/Zx2mcN41MV

— Olivier Decottignies (@O_Decottignies) February 28, 2025

Դըկոտինյին հայտնել է, որ մարզպետի հետ քննարկել են Հայաստանում ԵՄ դիտորդական առաքելության գործունեության, Վայոց ձորի մարզի և Օ-դը-Ֆրանս շրջանի միջև համագործակցության, Բանդոլի հետ գինեգործության ոլորտում համագործակցության հետ կապված հարցեր։