Երևանի քաղաքապետարանի պաշտոնատար անձինք ձերբակալվել են Հակակոռուպցիոն կոմիտեի վարույթի շրջանակում
1 րոպեի ընթերցում
Երևանի քաղաքապետարանի պաշտոնատար անձինք ձերբակալվել են Հակակոռուպցիոն կոմիտեի վարույթի շրջանակում։
«Արմենպրես»-ի հարցին ի պատասխան՝ այս մասին ասացին Հակակոռուպցիոն կոմիտեից։
«Քննչական գործողություններն իրականացվում են Հակակոռուպցիոն կոմիտեի վարույթի շրջանակում, կան ձերբակալված պաշտոնատար անձինք Երևանի քաղաքապետարանից»,- ասացին Հակակոռուպցիոն կոմիտեից՝ նախաքննության շահերից ելնելով այլ մանրամասներ չհաղորդելով։
Ավելի վաղ Երևանի քաղաքապետի մամուլի խոսնակ Հայկ Կոստանյանը հայտնել էր, որ Երևանի քաղաքապետարանի աշխատակիցներ են ձերբակալվել՝ խորհուրդ տալով լրացուցիչ տեղեկությունների համար դիմել Հակակոռուպցիոն կոմիտե։