Անցած տարի Հայաստան է այցելել շուրջ 2.2 մլն զբոսաշրջիկ. նվազել են այցելությունները Ռուսաստանից
1 րոպեի ընթերցում
ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: Անցած տարի Հայաստան է այցելել շուրջ 2 մլն 215 հազար զբոսաշրջիկ:
«Արմենպրես»-ի հաղորդմամբ՝ այս մասին տարեկան ամփոփիչ ասուլիսում ասաց Էկոնոմիկայի նախարար Գևորգ Պապոյանը:
«2024-ին ունեցել ենք մոտ 2 մլն 215 հազար զբոսաշրջիկ, սա 2023-ի ցուցանիշի նկատմամբ մոտ 7 տոկոսով նվազել է»,-ասաց Պապոյանը:
Նրա խոսքով՝ նվազել է միայն Ռուսաստանից եկած զբոսաշրջիկների թիվը: Օրինակ՝ Հնդկաստանից, ԱՄԷ-ից, Վրաստանից, Իրանից, Ֆրանսիայից, Չինաստանից, Հարավային Կորեայից զբոսաշրջիկների թիվն ավելացել է:
Կառավարության թիրախն է 2026-ի համար տարեկան ունենալ 2.5 մլն զբոսաշրջիկ:
Ըստ Պապոյանի՝ առաջ են շարժվում թիրախին համահունչ: