Մերձավոր Արևելք

Հռոմի պապը Սիրիայում կրոնների միջև փոխադարձ հարգանքի կոչ է արել

1 րոպեի ընթերցում

Հռոմի պապը Սիրիայում կրոնների միջև փոխադարձ հարգանքի կոչ է արել

ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ։ Հռոմի պապ Ֆրանցիսկոսն իր ամենշաբաթյա հրապարակային ունկնդրության ժամանակ աղոթել է, որ Սիրիայում մարդիկ ապրեն խաղաղության և անվտանգության ու փոխադարձ հարգանքի մթնոլորտում։ «Արմենպրես»-ի փոխանցմամբ՝ այս մասին հաղորդում է AFP գործակալությունը։

«Ես աղոթում եմ, որ սիրիացի ժողովուրդն ապրի խաղաղության և անվտանգության մեջ իր սիրելի հողում, և որ տարբեր կրոնները միասին քայլեն բարեկամությամբ և փոխադարձ հարգանքով՝ հանուն այդ ազգի բարօրության, որը տուժել է այսքան տարիների պատերազմից», - ասել է նա:

«Ես հուսով եմ, որ կգտնվի քաղաքական լուծում, որն առանց հետագա հակամարտությունների և պառակտումների ամենայն պատասխանատվությամբ կնպաստի երկրի կայունությանը և միասնությանը», - հավելել է Հռոմի պապը։

Դեկտեմբերի 8-ին Սիրիայում զինված ընդդիմությունը հայտարարեց, որ գրավել է Դամասկոսը: Այնուհետև հայտարարվեց, որ երկրում ձևավորվում է անցումային կառավարություն, և վարչապետի պաշտոնակատար է նշանակվել Մուհամեդ ալ-Բաշիրը։  

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում