398.94
Քեսաբ մտած զինյալները որևէ վնաս չեն պատճառել. Մանրամասներ է պատմել տեղաբնակ հայուհին
1 րոպեի ընթերցում
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Քեսաբում ընդդիմադիր ուժերը որևէ վնաս չեն պատճառել. տեղի հայությունն ապահով վիճակում է:
Այս մասին «Արմենպրես»-ի թղթակցի հետ զրույցում ասաց Քեսաբում բնակվող հեռուստալրագրող, ուսուցչուհի Թալին Գազազեանը:
«Մենք այստեղ հիմա լավ ենք: Իրենք որևէ կերպ մեզ վնաս չեն հասցրել և որևէ նեղություն չեն պատճառել: Մենք՝ հայերս, ապահով ենք»,-ասաց Գազազեանը՝ ավելացնելով, որ տեղում այս օրերին անորոշություն է տիրում:
Նրա խոսքով՝ հայ հոգևորականների հանդիպումն ու երկխոսությունը ընդդիմադիր ուժերի ներկայացուցիչների հետ լավ մթնոլորտում է ընթացել, և վերջիններս հավաստիացրել են ապահովության հարցում:
Մեր զրուցակիցը հայտնեց, որ Քեսաբ մտած զինյալները նույնիսկ սննդամթերք են տրամադրել բնակիչներին, քանի որ տեղի առևտրի կետերում սննդամթերքի սղություն է նկատվում:
«Ասացին, որ ամեն մարդ կարող է իր խանութը բացել, իր գործին վերադառնալ: Վաղվանից սկսած արդեն դպրոցներն էլ կգործեն»,-ընդհանրացրեց Գազազեանը:
Բաժանորդագրվեք մեր ալիքին Telegram-ում