398.74
Թայվանում մոլեգնել է վերջին 30 տարվա ընթացքում ամենաուժեղ «Կոնգ-ռեյ» թայֆունը
1 րոպեի ընթերցում
ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ։ Թայվանում մոլեգնել է վերջին 30 տարվա ընթացքում ամենաուժեղ «Կոնգ-ռեյ» թայֆունը։ Ինչպես տեղեկացնում է «Արմենպրես»-ը, տարերային աղետի հետևանքով զոհվել է երկու մարդ, շուրջ 600-ը վնասվածքներ են ստացել, հաղորդում է CNN-ը։
Ավելի քան 8600 մարդ տարհանվել է բարձր ռիսկային գոտիներից: Կղզում փակվել են դպրոցներն ու գրասենյակները, ինչպես նաև չեղարկվել են ավիաչվերթներն ու լաստանավային փոխադրումները։ Թայֆունների նախազգուշացման միացյալ կենտրոնի տվյալներով՝ քամու առավելագույն արագությունը հասել է ժամում մոտ 200 կիլոմետրի, իսկ շառավիղը՝ մոտ 320 կիլոմետրի:
Բաժանորդագրվեք մեր ալիքին Telegram-ում