Մենք չենք կարող ողջունել որևէ էսկալացիա. Արարատ Միրզոյանը՝ Իրան-Իսրայել հակամարտության սրման մասին
1 րոպեի ընթերցում
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ։ Հայաստանի արտաքին գործերի նախարար Արարատ Միրզոյանն անդրադարձել է Մերձավոր Արևելքում իրավիճակի սրմանը՝ Իրանի կողմից Իսրայելի վրա հրթիռային հարձակման համատեքստում։
«Արմենպրես»-ի փոխանցմամբ՝ ՀՀ արտաքին գործերի նախարարը թեմային անդրադարձել է Վարշավայի անվտանգության ֆորումի ժամանակ։
«Եթե տեղյակ եք Հարավային Կովկասում աշխարհաքաղաքական իրավիճակի, թրենդների և քաղաքականությունների մասին, գիտեք, որ մենք Հայաստանում ամեն ինչ անում ենք մեր տարածաշրջանում խաղաղության հասնելու համար։ Եվ մենք տեսնում ենք, որ մեր՝ ավելի լայն հարևանությամբ գտնվող այլ երկրներ հրթիռներով կրակում են միմյանց վրա։ Իհարկե, մենք մտահոգված ենք։ Իհարկե, մենք չենք կարող ողջունել որևէ էսկալացիա, և մենք կարող ենք միայն հուսալ, որ այս կոնֆլիկտի լուծումը հնարավորինս շուտ կգտնվի»,- ասել է Միրզոյանը։