Մինչև 100% կրթաթոշակներ՝ Armenian Code Academy-ի դասընթացների համար

ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ։ Armenian Code Academy (ACA)-ը, հայտարարել է 30%-100% կրթաթոշակներ՝ նպատակ ունենալով կրթությունը հասանելի դարձնել բոլորին՝ անկախ կարգավիճակից և առանձնահատկություններից: 

Հարկ է նշել, որ այս կրթաթոշակները կգործեն միայն այս դասընթացների ընդունելության քննությունը և/կամ հարցազրույցը հաղթահարելու դեպքում։ 

Ահա կրթաթոշակների ցանկը.

- Կրթաթոշակ՝ ռազմական գործողությունների մասնակիցներին։

Բարձր գնահատելով ռազմական գործողություններին մասնակցույթունը՝ ACA-ը տրամադրում է 30% կրթաթոշակ՝ նախընտրած դասընթացի միանալու համար։

- Կրթաթոշակ՝ վիրավորում ստացած ռազմական գործողությունների մասնակիցներին: 

Մեր հերոսների համար, ովքեր վիրավորում են ստացել պատերազմական գործողությունների ժամանակ, առաջարկում ենք ՝ 90% կրթաթոշակ իրենց ընտրած դասընթացին միանալու համար ։

- Կրթաթոշակ՝ Արցախից տեղահանվածներին: 

Լիարժեք աջակցություն ցուցաբերելով մեր Արցախից տեղահանված հայրենակիցներին՝ առաջարկում ենք 100% կրթաթոշակ ցանկացած դասընթացի միանալու համար։

- Կրթաթոշակ՝ նոր զորացրվածների համար: 

Եթե վերջին 3 ամսվա ընթացքում ավարտել եք զինվորական ծառայությունը, ապա կարող եք օգտվել 100% կրթաթոշակից՝ Ձեր նախընտրած դասընթացի առաջին ամսվա համար։

- Կրթաթոշակ՝ հաշմանդամություն ունեցող անձանց համար

Աջակցելով շարժողական, ֆիզիկական, լսողական կամ տեսողական հաշմանդամություն ունեցող անձանց՝ առաջարկում ենք 30% կրթաթոշակ ցանկացած ամբողջական դասընթացի գրանցվելու համար։

- Կրթաթոշակ՝ համալսարանի ուսանողներին: 

Համալսարանի ուսանողները կարող են միանալ իրենց ընտրած դասընթացին՝ ստանալով 50% կրթաթոշակ առաջին ամսվա համար։

- Կրթաթոշակ՝ միջազգային օլիմպիադաների հաղթողներին: 

Գնահատելով միջազգային հարթակներում Ձեր ձեռքբերումները ՝ 50% կրթաթոշակ ենք տրամադրում ցանկացած դասընթացի միանալու համար։

- Կրթաթոշակ՝ բազմազավակ մայրերին: 

Խրախուսելով մայրերին, ովքեր ունեն երեք և ավելի երեխաներ, համատեղում են ընտանիքը և ձգտում կարիերայի աճի՝ առաջարկում ենք 30% կրթաթոշակ ցանկացած դասընթացի միանալու համար։

Կրթաթոշակին դիմելու համար անհրաժեշտ է գրանցվել Ձեզ հետաքրքրող դասընթացին և վերջինիս համակարգողը կապ կհաստատի Ձեզ հետ։ Չմոռանաք նշել այն կրթաթոշակը, որի խմբի շահառու եք հանդիսանում։

Լրացուցիչ տեղեկությունների համար կարող եք զանգահարել +374 (41) 48-16-30 հեռախոսահամարով։ 

Armenian Code Academy (ACA)-ը, տեխնոլոգիական կրթության կենտրոն է, որի նպատակն է ՏՏ ոլորտում ամենապահանջված մասնագիտություններով կրթել և վերապատրաստել ապագա և ներկայիս տեխնոլոգիական ոլորտի մասնագետների՝ լրացնելով աշխատաշուկայում առկա բացը:

Ունենալով ավելի քան 16,000 շրջանավարտներ Երևանից և մարզերից, ACA-ը Հայաստանի ՏՏ ոլորտի զարգացման ակտիվ և նվիրված ջատագովներից է: