Փրկարարները քաղաքացուն մոտեցրել են ափ
1 րոպեի ընթերցում
![Փրկարարները քաղաքացուն մոտեցրել են ափ](http://armenpress.am/resized/480/storage/images/articles/2024/08/25/Ii4go9Syjk2TPF5zH5g3VdnyblnIUlEMpEnglPEA.webp)
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: Գեղարքունիքի մարզային փրկարարական վարչության ճգնաժամային կառավարման կենտրոնն օգոստոսի 25-ին, ժամը 12:10-ին տեղեկություն է ստացել, որ Սևանա լճի 2-րդ հանրային լողափում հերթապահություն իրականացնելիս փրկարարները նկատել են քաղաքացու, ով ափից հեռացել է մոտ 15 մետր և չի կարողանում ինքնուրույն վերադառնալ։
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, փրկարարները քաղաքացի Ս. Խ.-ին (ծնված 2002 թ․) մոտեցրել են ափ։