1 րոպեի ընթերցում
ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ։ Թուրքիայի պաշտպանության նախարար Յաշար Գյուլերը պատասխանել է Սիրիայից զորքերի դուրսբերման հնարավորության մասին հարցին։
«Արմենպրես»-ի փոխանցմամբ՝ Reuters-ին տված հարցազրույցում Յաշար Գյուլերը հայտարարել է, որ Թուրքիան պատրաստ է աջակցություն ցուցաբերել համապարփակ սահմանադրության ընդունման, ազատ ընտրությունների անցկացման, կարգավորման ու անվտանգության համապարփակ մթնոլորտի ստեղծման հարցերում։
«Միայն այն ժամանակ, երբ դա արվի, և մեր սահմանի անվտանգությունը լիովին ապահովվի, մենք փոխհամակարգման միջոցով կանենք այն, ինչ անհրաժեշտ է»,- ասել է նա։
Գործակալությունն ընդգծել է, որ անցյալ ամիս Թուրքիայի նախագահ Էրդողանն հայտարարել էր, թե կհրավիրի Սիրիայի նախագահ Բաշար ալ Ասադին՝ քննարկելու հարաբերությունների կարգավորումը, որոնք Անկարան խզել էր 2011 թվականի սիրիական պատերազմից հետո:
Ասադն իր հերթին ասել է, որ բանակցությունները կարող են տեղի ունենալ միայն այն դեպքում, եթե դրանք կենտրոնանան հիմնական հարցերի վրա, ներառյալ՝ թուրքական ուժերի դուրսբերումը Սիրիայի հյուսիսից: