Փարիզ-2024. Մալխաս Ամոյանը կպայքարի Օլիմպիական խաղերի բրոնզե մեդալի համար
1 րոպեի ընթերցում
![Մալխաս Ամոյան](http://armenpress.am/resized/480/storage/images/articles/2024/08/06/XNIzOn1IyGuVwsmbI82Y8xVLHEc8qRhvn8Oy5jir.webp)
ՓԱՐԻԶ, 6 ՕԳՈՍՏՈՍԻ, ԱՐՄԵՆՊՐԵՍ: Հայաստանի հունահռոմեական ոճի ըմբշամարտի հավաքականի անդամ, աշխարհի և Եվրոպայի չեմպիոն Մալխաս Ամոյանը իր առաջին իսկ Օլիմպիական խաղերում դուրս եկավ եզրափակիչ:
«Արմենպրես»-ի թղթակցի հաղորդմամբ` Ֆրանսիայի մայրաքաղաք Փարիզի «Champ-de-Mars Arena»-ում կայացած հունահռոմեական ոճի ըմբշամարտի 77 կգ քաշային կարգի կիսաեզրափակիչում Մալխաս Ամոյանը մրցեց Ճապոնիան ներկայացնող Նաո Կուսակայի հետ: Ամոյանը զիջեց 3:1 հաշվով և գոտեմարտ կանցկացնի բրոնզե մեդալի համար:
Ավելի վաղ` նախորդ երկու գոտեմարտերում Ամոյանը հաջորդաբար գերազանցել էր Ֆինլանդիայի և Իրանի ներկայացուցիչներին: 77 կգ քաշային կարգի երրորդ տեղի համար գոտեմարտերը կկայանան օգոստոսի 7-ին և կմեկնարկեն Երևանի ժամանակով 20:15-ին:
Վարվառա Հայրապետյան