ՌԴ նախագահի՝ Թուրքիա այցի ժամկետները դեռ պետք է համաձայնեցվեն․ Պեսկով
1 րոպեի ընթերցում
![ՌԴ նախագահի՝ Թուրքիա այցի ժամկետները դեռ պետք է համաձայնեցվեն․ Պեսկով](http://armenpress.am/resized/480/storage/images/articles/2024/08/01/99K3axU5YVNDvPH7SPQEJ46moF4dcgC9xd6KxVPA.webp)
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ։ Ռուսաստանի Դաշնության նախագահ Վլադիմիր Պուտինի՝ Թուրքիա կատարելիք այցի ժամկետները դեռևս պետք է համաձայնեցվեն դիվանագիտական խողովակներով։
«Արմենպրես»-ի հաղորդմամբ՝ այս մասին հայտնել է ՌԴ նախագահի մամուլի քարտուղար Դմիտրի Պեսկովը՝ «Կոմսոմոլսկայա պրավդա» ռադիոկայանին տված հարցազրույցի ընթացքում։
«Այցը Թուրքիա արդեն բավական ժամանակ է, ինչ նախապատրաստվում է, և մնում է միայն դիվանագիտական ուղիներով համաձայնեցնել ժամկետները», - ասել է Պեսկովը։
Նա հավելել է, որ երկու պետությունների ղեկավարների քննարկման համար կան բազմաթիվ հարցեր, որոնք առկա են օրակարգում։