Լուկաշենկոն աշխատանքային այցով մեկնել է Ռուսաստան
1 րոպեի ընթերցում
![Լուկաշենկոն աշխատանքային այցով մեկնել է Ռուսաստան](http://armenpress.am/resized/480/storage/images/articles/2024/07/25/NDpGRJ8QRsOKo6G70rxjw55P3R0jnR8HTKhDkD2D.webp)
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն աշխատանքային այցով մեկնել է Ռուսաստան։ «Արմենպրես»-ի փոխանցմամբ՝ այս մասին հաղորդում է «ԲելՏԱ» գործակալությունը։
Նշվում է, որ պլանավորված են բանակցություններ Ռուսաստանի ղեկավար Վլադիմիր Պուտինի հետ տարբեր ձևաչափերով։ Երկու երկրների ղեկավարները կքննարկեն «ռուս-բելառուսական հարաբերությունների զարգացման հրատապ հարցեր, միութենական նախագծերի խթանման, տարածաշրջանային անվտանգության թեմաների և միջազգային օրակարգի այլ հարցեր»:
Հուլիսի 13-ին Լուկաշենկոն հայտարարել էր, որ նախատեսում է իր ռուսաստանցի պաշտոնակից Պուտինի հետ քննարկել Ուկրաինայի վերաբերյալ հետագա գործողությունները։