ԱՄՆ-ը հիպերձայնային զենք կտեղակայի Գերմանիայում

ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ։ Հաջորդ տարվանից Միացյալ Նահանգները կսկսի Գերմանիայում տեղակայել հեռահար հարվածային համակարգեր, այդ թվում՝ հիպերձայնային զենքեր։ Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, այդ մասին հայտնել է Պենտագոնը։

«Միացյալ Նահանգները 2026 թվականին կսկսի իր աշխատանքային խմբի հեռահար կրակի հնարավորությունների ժամանակավոր տեղակայումը Գերմանիայում՝ որպես ապագայում այդ հնարավորությունների մշտական ​​տեղակայման պլանավորման մաս»,- ասված է զեկույցում:

Ինչպես նշվում է պաշտպանության գերատեսչության հաղորդագրությունում, սովորական հեռահար կրակային ստորաբաժանումները կներառեն SM-6, Tomahawk և հիպերձայնային զենքեր:

ԱՄՆ-ի և Գերմանիայի կառավարությունները հասել են անհրաժեշտ համաձայնության, հավելել են Պենտագոնը։ Ենթադրվում է, որ նոր զենքերը զգալիորեն ավելի մեծ հեռահարություն կունենան, քան ներկայիս ցամաքային զենքերը Եվրոպայում: