ԳԱՎԱՌ, 4 ՀՈՒԼԻՍԻ, ԱՐՄԵՆՊՐԵՍ։ Գեղարքունիքի մարզի Սևան համայնքի կոմունալ տեխնիկայի ավտոպարկը համալրվել է նոր կոմունալ տրանսպորտային միջոցով:
Ինչպես «Արմենպրես»-ը տեղեկացավ Սևանի համայնքապետարանի աշխատակազմից, ՀՀ կառավարության, Համաշխարհային բանկի, ինչպես նաև Սևան համայնքի համաֆինանսավորմամբ Հայաստանի տարածքային զարգացման հիմնադրամի միջոցով իրականացվող «Սոցիալական ներդրումների և տեղական զարգացման ծրագրի բաղադրիչ 2»-ի շրջանակներում Սևան համայնքը ստացել է մեկ ինքնաթափ:
Սևանի համայնքապետարանը դեռևս 2022 թվականին դիմել էր Հայաստանի տարածքային զարգացման հիմնադրամին` համայնքի կարիքների համար ձեռք բերելու կոմունալ տրանսպորտային միջոցներ:
Յոթ տրանսպորտային միջոցից Սևան համայնքն արդեն ստացել է JCB մակնիշի բուլդոզեր, բազմաֆունկցիոնալ էսկավատոր, բազմաֆունկցիոնալ մինի ամբարձիչ, անվավոր տրակտոր, «Բելառուս», գրեյդեր, որոնք օգտագործվում են «Սևան համայնքի կոմունալ սպասարկում և բարեկարգում» ՀՈԱԿ-ի կողմից՝ բարելավելով համայնքի կոմունալ սպասարկման վիճակը և մատուցվող ծառայությունների որակը:
Առաջիկայում Սևան համայնքը կհամալրվի ևս մեկ ինքնաթափ մեքենայով:
Խոսրով Խլղաթյան