Պաշտոնական

ՀՀ նախագահին իր հավատարմագրերն է հանձնել Հայաստանում Սաուդյան Արաբիայի Թագավորության դեսպանը

5 րոպեի ընթերցում

ՀՀ նախագահին իր հավատարմագրերն է հանձնել Հայաստանում Սաուդյան Արաբիայի Թագավորության դեսպանը

ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ։ Հայաստանի Հանրապետության նախագահ Վահագն Խաչատուրյանին իր հավատարմագրերն է հանձնել Հայաստանում Սաուդյան Արաբիայի Թագավորության արտակարգ և լիազոր դեսպան Սալման Աբդ Ալ-Ռահման Ալ Ալ-Շեյխը (նստավայրը` Թբիլիսի):

Ինչպես «Արմենպրես»-ը տեղեկանում է ՀՀ նախագահի աշխատակազմի տարածած հաղորդագրությունից, Վահագն Խաչատուրյանը շնորհավորել է Սալման Աբդ Ալ-Ռահման Ալ Ալ-Շեյխին Հայաստանում Սաուդյան Արաբիայի Թագավորության առաջին դեսպանի պաշտոնը ստանձնելու կապակցությամբ և համոզմունք հայտնել, որ վերջինիս նշանակումը կամրապնդի և նոր թափ կհաղորդի երկու երկրների միջև անցյալ տարվա նոյեմբերին հաստատված դիվանագիտական հարաբերություններից ի վեր ձևավորվող երկկողմ ու բազմակողմ համագործակցության օրակարգին:

«Վստահ եմ, որ Ձեր նշանակումը մեծ ավանդ կունենա մեր հարաբերությունների սկիզբը հաջողությամբ սկսելու և հետագա զարգացման տեսանկյունից: Ավանդաբար, Հայաստանի Հանրապետությունը, մեր ժողովուրդը ջերմ հարաբերություններ է ունեցել արաբական երկրների հետ: Սա պայմանավորված է եղել հիմնականում նրանով, որ մենք միշտ ջերմ ընդունելության ենք արժանացել արաբական երկրների ժողովուրդների և պետությունների կողմից: Արաբական երկրներում ապրող մեր հայրենակիցները միշտ եղել են արժանի քաղաքացիներ այդ երկրներում և իրենց ավանդն են ունեցել նաև այդ երկրների զարգացման գործում:

Փաստն արդեն կա, 2023 թվականի նոյեմբերից մեր երկրները հաստատել են դիվանագիտական հարաբերություններ, և, ըստ այդմ՝ առաջիկայում շատ անելիքներ ունենք: Համագործակցության մեծ հնարավորություններ և ներուժ կա տարբեր բնագավառներում, մասնավորապես՝ գիտության, մշակույթի, առողջապահության, բարձր տեխնոլոգիաների ոլորտներում: Ձեր նշանակումը շատ կարևոր է այս գործընթացի առավել համակարգման և համատեղ աշխատելու տեսանկյունից»,- ասել է նախագահ Խաչատուրյանը:

Դեսպանը շնորհակալություն հայտնելով ընդունելության համար՝ նշել է.

«Նախ և առաջ ցանկանում եմ Ձեզ հղել Սաուդյան Արաբիայի թագավոր, Սալման Բին Աբդ Ալ Ազիզ Ալ Սաուդիի ջերմ ողջույններն ու մաղթանքները: Միևնույն ժամանակ, ցանկանում եմ Ձեզ փոխանցել Նորին մեծություն, Կառավարության ղեկավար, թագաժառանգ Մուհամմադ Բին Սալման Բին Աբդ Ալ Ազիզ Ալ Սաուդիի ողջույնները՝ Ձեզ հղելով իրենց կողմից լավագույն մաղթանքներ՝ երկարակեցություն, բարեկեցություն և ամենայն բարիք, իսկ հայ ժողովրդին նորանոր առաջընթացներ, ձեռքբերումներ և բարգավաճում:

Ես հաստատում և ընդգծում եմ Սաուդյան Արաբիայի Թագավորության կառավարության ձգտումը՝ համատեղ զարգացնել և ամրապնդել երկկողմ հարաբերությունները բոլոր ոլորտներում, որպեսզի երկու երկրների բարեկամ ժողովուրդները նորանոր առաջընթացներ և բարգավաճում արձանագրեն»:

Հանդիպման ընթացքում քննարկվել են երկու երկրների միջև համագործակցության խթանման նպատակով խորհրդակցությունների անցկացման նպատակահարմարության վերաբերյալ հարցեր:

Անդրադարձ է կատարվել հարավկովկասյան և մերձավորարևելյան տարածաշրջաններում առկա իրողություններին և զարգացումներին, այս կապակցությամբ երկուստեք շեշտվել է տևական խաղաղության և կայունության հաստատման հրամայականը, ինչպես նաև հակամարտությունները խաղաղ բանակցային ճանապարհով, միջազգային գերակա նորմերի և սկզբունքների շրջանակում լուծելու անհրաժեշտությունը:

Զրույցի ընթացքում մտքեր են փոխանակվել ինչպես Հայաստանի և Սաուդյան Արաբիայի, այնպես էլ տարածաշրջանի երկրների միջև տնտեսական կապերի և համագործակցության զարգացման հնարավորությունների և առկա ներուժի իրականացման ուղիների վերաբերյալ: Այս համատեքստում Հանրապետության նախագահը նորանշանակ դեսպանին մանրամասներ է հայտնել Հայաստանի կողմից առաջ քաշված «Խաղաղության խաչմերուկ» ծրագրի հիմնական սկզբունքների և նպատակների վերաբերյալ:

Հանդիպման ավարտին Հանրապետության նախագահը շեշտել է, որ Հայաստանի կառավարությունը և ինքն անձամբ, հնարավորինս կաջակցեն երկու երկրների հարաբերությունների զարգացմանն ուղղված երկկողմ նախաձեռնություններին:

Հայաստանի բասկետբոլի տղամարդկանց Մ16 թիմը, հաղթելով Ադրբեջանին, դարձավ ԵԱ-ի C դիվիզիոն բրոնզե մեդալակիր

Սպորտ

Հայաստանի բասկետբոլի տղամարդկանց Մ16 թիմը, հաղթելով Ադրբեջանին, դարձավ ԵԱ-ի C դիվիզիոն բրոնզե մեդալակիր

ՃՏՊ Երևան-Երասխ ավտոճանապարհին. կա 2 տուժած

Պատահար

ՃՏՊ Երևան-Երասխ ավտոճանապարհին. կա 2 տուժած

Լոռու մարզի Սարամեջ բնակավայրում փորձարկվելու է էլեկտրական շչակ։

Հայաստան

Լոռու մարզի Սարամեջ բնակավայրում փորձարկվելու է էլեկտրական շչակ։

ԱՄՆ պետքարտուղարի տեղակալ Ուզրա Զեյան այցելել է Հայոց ցեղասպանության հուշահամալիր

Հայոց ցեղասպանություն

ԱՄՆ պետքարտուղարի տեղակալ Ուզրա Զեյան այցելել է Հայոց ցեղասպանության հուշահամալիր

Հայկ Մարտիրոսյանը «Biel Chess Festival 2024»-ում դարձել է արծաթե մեդալակիր

Սպորտ

Հայկ Մարտիրոսյանը «Biel Chess Festival 2024»-ում դարձել է արծաթե մեդալակիր

ՀՀ վարչապետ Փաշինյանը խստորեն դատապարտել է ԱՄՆ նախագահի թեկնածու Դոնալդ Թրամփի վրա հարձակումը

Պաշտոնական

ՀՀ վարչապետ Փաշինյանը խստորեն դատապարտել է ԱՄՆ նախագահի թեկնածու Դոնալդ Թրամփի վրա հարձակումը

Իրանը հավատում է, որ այլ երկրների հետ ՀՀ փոխհարաբերությունները բացասական ազդեցություն չեն թողնի Իրանի հետ հարաբերությունների վրա. ԻԻՀ դեսպան

Արտաքին քաղաքականություն

Իրանը հավատում է, որ այլ երկրների հետ ՀՀ փոխհարաբերությունները բացասական ազդեցություն չեն թողնի Իրանի հետ հարաբերությունների վրա. ԻԻՀ դեսպան

Հայաստանում սպասվում են կարճատև անձրևներ, առանձին հատվածներում՝ հորդառատ, օդի ջերմաստիճանն էապես չի փոխվի

Հայաստան

Հայաստանում սպասվում են կարճատև անձրևներ, առանձին հատվածներում՝ հորդառատ, օդի ջերմաստիճանն էապես չի փոխվի

Երբ երկխոսում եք, կրակելու ժամանակ չունեք. Իրանը լավատես է ՀՀ-Ադրբեջան խաղաղության գործընթացի հարցում. ԻԻՀ դեսպան

Արտաքին քաղաքականություն

Երբ երկխոսում եք, կրակելու ժամանակ չունեք. Իրանը լավատես է ՀՀ-Ադրբեջան խաղաղության գործընթացի հարցում. ԻԻՀ դեսպան

«Քեզ համար, Հայաստան». Շառլ Ազնավուրի 100-ամյակին նվիրված միջոցառումներ են անցկացվել Գյումրիում

Մշակույթ

«Քեզ համար, Հայաստան». Շառլ Ազնավուրի 100-ամյակին նվիրված միջոցառումներ են անցկացվել Գյումրիում

ՈՒԵՖԱ-ն պաշտոնապես աջակցում է ՀՀ և Վրաստանի՝ Աշխարհի երիտասարդական առաջնությունն անցկացնելու համատեղ հայտին. ՈՒԵՖԱ-ի նախագահը՝ ՀՀ վարչապետին

Պաշտոնական

ՈՒԵՖԱ-ն պաշտոնապես աջակցում է ՀՀ և Վրաստանի՝ Աշխարհի երիտասարդական առաջնությունն անցկացնելու համատեղ հայտին. ՈՒԵՖԱ-ի նախագահը՝ ՀՀ վարչապետին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում