Սերգեյ Պետրոսյանը նշանակվել է ԶՈՒ ռազմատեղագրական ծառայության պետ․ նրան շնորհվել է գեներալ-մայորի կոչում
1 րոպեի ընթերցում
ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ։ Հայաստանի նախագահ Վահագն Խաչատուրյանը, հիմք ընդունելով վարչապետ Նիկոլ Փաշինյանի առաջարկը, հրամանագիր է ստորագրել Սերգեյ Պետրոսյանին Զինված ուժերի գլխավոր շտաբի ռազմատեղագրական ծառայության պետ նշանակելու մասին։ «Արմենպրես»-ի փոխանցմամբ՝ ՀՀ նախագահի հրամանագիրը հրապարակվել է ՀՀ նախագահի պաշտոնական կայքում։
Նախագահի մեկ այլ հրամանագրով Սերգեյ Պետրոսյանին շնորհվել է գեներալ-մայորի զինվորական կոչում։