Բռնցքամարտիկ Ռաֆայել Հովհաննիսյանը երկրորդ հաղթանակ է տոնել ՕԽ վարկանիշային մրցաշարում
1 րոպեի ընթերցում
![Բռնցքամարտիկ Ռաֆայել Հովհաննիսյանը երկրորդ հաղթանակ է տոնել ՕԽ վարկանիշային մրցաշարում](http://armenpress.am/resized/480/static/news/b/2024/05/1138076.jpg)
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Հայաստանի բռնցքամարտի ընտրանու անդամ Ռաֆայել Հովհաննիսյանը երկրորդ հաղթանակն է տոնել Փարիզի Օլիմպիական խաղերի վարկանիշային մրցաշարում:
«Արմենպրես»-ի հաղորդմամբ` Թաիլանդում ընթացող Օլիմպիական խաղերի վարկանիշային մրցաշարում 80 կգ քաշային Ռաֆայել Հովհաննիսյանը երկրորդ հաղթանակն է տոնում` այս անգամ 5։0 հաշվով առավելության հասնելով լատվիացի Ռոբերտս Լիորանկասի նկատմամբ։
Միջազգային օլիմպիական կոմիտեի հովանու ներքո անցկացվող մրցաշարը վերջինն է, որտեղ բռնցքամարտիկները կկարողանան ուղեգիր նվաճել Փարիզի 33-րդ ամառային Օլիմպիական խաղերի համար: Հայաստանի դեռևս ոչ մի ուղեգիր չի նվաճել բռնցքամարտում:
Հայաստանի հավաքականում են` Բարեղամ Հարությունյանը (51 կգ), Արթուր Բազեյանը (57 կգ), Նարեկ Հովհաննիսյանը (63,5 կգ), Գուրգեն Մադոյանը (71 կգ), Ռաֆայել Հովհաննիսյանը (80 կգ), Նարեկ Մանասյանը (92 կգ), Դավիթ Չալոյանը (92+), Անուշ Գրիգորյանը (52 կգ), Եկատերինա Սիչովան (54 կգ), Անի Հովսեփյանը (66 կգ):