388.33
Եվրոպայի լիգայի եզրափակիչ «Ատալանտա»-«Բայեր» հանդիպումը կկայանա մայիսի 22-ին
1 րոպեի ընթերցում
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Ֆուտբոլի Եվրոպայի լիգայի եզրափակիչ «Ատալանտա»-«Բայեր» հանդիպումը կկայանա մայիսի 22-ին:
«Արմենպրես»-ի հաղորդմամբ` եզրափակիչ այս հանդիպումից առաջ թիմերը միմյանց հետ մրցել են երկու անգամ: Երկու անգամն էլ հաղթել է «Ատալանտա»-ն:
Գերմանիայի նորընծա չեմպիոն Լևերկուզենի «Բայեր»-ի համար ընթացիկ մրցաշրջանը բացառիկ է ամեն առումով: Թիմը ընդհանուր բոլոր մրցաշարերում ոչ մի պարտություն չի կրել, իր ստեղծման օրից առաջ անգամ դարձել է Բունդեսլիգայի հաղթող:
Արդեն ավարտված Իտալիայի Սերիա Ա-ում «Ատալանտա»-ն 5-րդ տեղում է: Իսկ Իտալիայի գավաթի խաղարկության որոշիչ խաղում «Ատալանտա»-ն զիջել է «Յուվենթուս»-ին: Սա վերջին հնարավորությունն է թիմի համար մրցաշրջանում որևէ տիտղոս նվաճելու համար:
Եզրափակիչը կմեկնարկի Երևանի ժամանակով 23:00-ին:
