3 րոպեի ընթերցում
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Հունաստանում վառվեց Փարիզի 33-րդ ամառային Օլիմպիական խաղերի կրակը:
«Արմենպրես»-ի հաղորդմամբ` ավանդույթի համաձայն կրակն արևի շողերից վառեցին տաճարի քրմուհիների դերը կատարող դերասանները` հունական Օլիմպիա ավանում` Հերայի տաճարի մոտակայքում: Հանդիսավոր արարողությանը ներկա էին հարյուրավոր երկրպագուներ:
Փարիզի Օլիմպիական խաղերի առաջին ջահակիրը հույն Օլիմպիական խաղերի չեմպիոն Ստեֆանոս Դուսկոսն է:
Մինչև Ֆրանսիա հասնելը ջահը կշրջի ամբողջ Հունաստանով և միայն 10 օր անց կհասնի հյուրընկալող երկիր:
Կրակի վառման արարողությանը նախորդած ելույթների ընթացքումՄիջազգային օլիմպիական կոմիտեի նախագահ Թոմաս Բախը հույս հայտնեց, որ աշխարհի համար այս դժվարին շրջանում Օլիմպիական խաղերը կլինեն բոլորին միավորող օղակը:
Հայաստանը33-րդ ամառային Օլիմպիական խաղերին դեռևս ունի7մասնակից`հրաձիգ Էլմիրա Կարապետյանը,ըմբիշներ Արթուր Ալեքսանյանը,Մալխաս Ամոյանը,Սլավիկ Գալստյանը,Վազգեն Թևանյանը,Արսեն Հարությունյանը, մարմնամարզիկ Արթուր Դավթյանը:
Փարիզի33-րդ ամառային Օլիմպիական խաղերը կկայանան2024թվականի հուլիսի26-ից օգոստոսի11-ը:Խաղերի բացման արարողությունը կլինի բացառիկ,քանի որ առաջին անգամ է,որ այն անցկացվելու է ոչ թե մարզադաշտում,այլ Ֆրանսիայի սրտում`Սեն գետի երկայնքով:ՓարիզըԼոնդոնից հետո երկրորդ քաղաքն է,որը երրորդ անգամն է հյուրընկալում Օլիմպիական խաղերը(1900, 1924, 2024): 33-րդ ամառային Օլիմպիական խաղերի բացման արարողությունը խորհրդանշական օր է,քանի որ1924թվականին խաղերի փակման արարողությունը կայացել է այդ օրը:
Մասնակից հավաքականները բացման արարողությանը կմասնակցեն նավակներով:Փարիզի Օլիմպիական խաղերում32մարզաձևում կխաղարկվի329մեդալ,իսկ մասնակիցների թիվը կգերազանցի10.000-ը:Այս Խաղերում նոր մարզաձև է լինելու բրեյք դանսը:Փարիզի Օլիմպիական խաղերի մի քանի մարզաձևերի մրցումներ կանցկացվեն Թաիթիում,Նանտում,Լիոնում,Մարսելում,Սենթ-Էթյենում և այլն:Այս Խաղերում կաշխատի մոտ45.000կամավոր աշխարհի տարբեր երկրներից:
Փարիզի Խաղերի կազմկոմիտեն ներկայացրել է նաև ՕԽ-ի թալիսմանին`մասկոտին:Թալիսմանը,որը ստացել է Ֆրիգ(Phryges)անվանումը,նման է ֆրանսիական գլխարկների և ունի կարմիր գույն:Ֆրիգիական գլխարկը համարվում է ֆրանսիական հեղափոխության և ազատության խորհրդանիշ: