Կահիրեի հրապարակներից մեկը կանվանակոչվի Հայաստանի անունով
1 րոպեի ընթերցում
![Կահիրեի հրապարակներից մեկը կանվանակոչվի Հայաստանի անունով](http://armenpress.am/resized/480/static/news/b/2024/03/1131863.jpg)
ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Եգիպտոսի վարչապետ Մոստաֆա Մադբուլին Հայաստանի վարչապետ Նիկոլ Փաշինյանի հետ հանդիպման ընթացքում շնորհակալություն է հայտնել հայկական կողմին` Երևանի հրապարակներից մեկը Եգիպտոսի անունով անվանակոչելու համար և հավելել, որ եգիպտական կողմը մայրաքաղաքի հրապարակներից մեկը կանվանակոչի Հայաստանի անունով:
Ինչպես «Արմենպրես»-ը տեղեկանում է ՀՀ վարչապետի աշխատակազմի տարածած հաղորդագրությունից, Եգիպտոսի վարչապետը նաև շեշտել է երկու երկրների միջև առկա բազմադարյա խորը պատմական հարաբերությունների փաստը և հավելել, որ Եգիպտոսի հայ համայնքը համախմբված կերպով ապրում է եգիպտական հասարակության մեջ՝ առանց որևէ խնդրի:
ՀՀ վարչապետը մարտի 5-ին երկօրյա պաշտոնական այցով մեկնել է Եգիպտոս: