Բորիս Սահակյանն ազատվել է ԱԳՆ գլխավոր քարտուղարի պաշտոնից

ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Հայաստանի Հանրապետության վարչապետի որոշմամբ՝ Բորիս Սահակյանն ազատվել է ԱԳՆ գլխավոր քարտուղարի պաշտոնից:

«Ղեկավարվելով «Դիվանագիտական ծառայության մասին» օրենքում փոփոխություններ և լրացումներ կատարելու մասին» ՀՕ-405-Ն օրենքի 13-րդ հոդվածի 3-րդ մասով՝ 1. Բորիս Սահակյանին ազատել արտաքին գործերի նախարարության գլխավոր քարտուղարի պաշտոնից»,- «Արմենպրես»-ի փոխանցմամբ՝ նշված է որոշման մեջ:

Բորիս Սահակյանը ԱԳՆ գլխավոր քարտուղար էր նշանակվել 2021թ․հուլիսի 30-ին: