Մենք խոստումնալից երիտասարդ սերունդ ունենք․ Հայաստանի կանանց ծանրամարտի հավաքականի մարզիչ

2 րոպեի ընթերցում

ՍՈՖԻԱ, 21 ՓԵՏՐՎԱՐԻ, ԱՐՄԵՆՊՐԵՍ: Հայաստանի կանանց ծանրամարտի հավաքականի գլխավոր մարզիչ Արտաշես Ներսիսյանը ամփոփել է Բուլղարիայի մայրաքաղաք Սոֆիայում կայացած Եվրոպայի վարկանիշային առաջնությունը:

«Եվրոպայի առաջնությունը մեր այս տարվա առաջին մրցաշարն էր, որը վարկանիշային էր: Բացի Եվրոպայի առաջնությանը լավ մասնակցելուց, մեր նպատակը նաև այն էր, որ մեր աղջիկներն ունենան օլիմպիական վարկանիշ: Սակայն այդ վարկանիշային միավորները ձեռք բերելն ավելի դժվար էր»,-Սոֆիայում «Արմենպրես»-ի հետ զրույցում ասաց Ներսիսյանը:

Վերջինս անդրադարձավ նաև Եվրոպայի չեմպիոն, 19-ամյա Ալեքսանդրա Գրիգորյանին` ընդգծելով, որ Հայաստանը կանանց Եվրոպայի առաջնությունում վերջին անգամ չեմպիոն ունեցել էր 2016 թվականին:

«2016 թվականից հետո թիմի հիմնասյուները` Նազիկ Ավդալյանը և Հռիփսիմե Խուրշուդյանը, գրեթե միաժամանակ ավարտեցին կարիերան: Հռիփսիմեն հետագայում կրկին վերադարձավ: Մեր պատանի սերունդը խոստումնալից է: Շատ աշխատելու դեպքում հաջորդ Օլիմպիական խաղերին մենք կունենանք հնարավորինս շատ տեղեր և, ինչու ոչ, նաև՝ մեդալներ»,-ասաց նա:

Ներսիսյանը խոսեց նաև պրոֆեսիոնալ կարիերան ավարտած Հռիփսիմե Խուրշուդյանի որոշման մասին. «Հռիփսիմեն մեծ աշխատանք է կատարել՝ ոչ միայն կիլոգրամներ բարձրացնելով, այլ նաև բուն թիմը կազմելով: Նա թիմում ունի «մորաքրոջ» դեր»,-ասաց նա՝ հավելելով, որ նրա հեռանալը կարող է վատ անդրադառնալ նաև թիմի վրա:

Հայաստանի կանանց հավաքականը չի մասնակցի աշխարհի գավաթի խաղարկությանը, որը կկայանա Թայլանդում` ապրիլին: Հավաքականի գլխավոր մարզիչը նախապատվությունը տալիս է ոչ օլիմպիական քաշերի աշխարհի առաջնությանը:

Հայաստանի կանանց հավաքականի Եվրոպայի առաջնությունում ոսկե մեդալակիր դարձավ 55 կգ քաշային Ալեքսանդրա Կարապետյանը և ԵԱ-ի երկրորդ անընդմեջ բրոնզե մեդալը նվաճեց Հռիփսիմե Խուրշուդյանը:

Թիմային հաշվարկում Հայաստանի կանանց ընտրանին 8-րդն է:

Վարվառա Հայրապետյան

Հայերեն

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը