ՀՀ նախագահը կմասնակցի Դավոսի համաշխարհային տնտեսական համաժողովին

ԵՐԵՎԱՆ, 15 ՀՈՒՆՎԱՐԻ, ԱՐՄԵՆՊՐԵՍ: Հայաստանի Հանրապետության նախագահ Վահագն Խաչատուրյանը հունվարի 15-18-ը աշխատանքային այցով գտնվում է Շվեյցարիայի Համադաշնությունում՝ Դավոսի համաշխարհային տնտեսական համաժողովին մասնակցելու նպատակով:

Ինչպես «Արմենպրես»-ը տեղեկանում է ՀՀ նախագահի աշխատակազմի տարածած հաղորդագրությունից, համաժողովի շրջանակներում նախատեսվում են Հանրապետության նախագահի և մի շարք գործընկեր երկրների բարձր ղեկավարության ներկայացուցիչների հանդիպումները: