Սփյուռքի հանձնակատարների ինստիտուտն ընդլայնվում է, սպասվում են նշանակումներ

3 րոպեի ընթերցում

ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ։ Ընթացիկ տարում նկատելի աշխատանք է կատարվելու Սփյուռքի հանձնակատարների ինստիտուտի ձևավորման ուղղությամբ։ «Արմենպրես»-ի հետ զրույցում ՀՀ սփյուռքի գլխավոր հանձնակատար Զարեհ Սինանյանը նշեց, որ այս տարի արդեն սկսվելու են տեղերում՝ տարբեր երկրներում, քաղաքներում, որտեղ կա ձևավորված հայ համայնք, Սփյուռքի հանձնակատարների մեծ թվով և արագ նշանակումներ։

«Վերջին երկու տարիների ընթացքում հիմնականում բացատրական աշխատանքներ ենք տարել համայնքներում՝ պարզաբանելու, թե ինչ է իրենից ներկայացնում հանձնակատարների ինստիտուտը։ 2023 թվականից սկսեցինք հանձնակատարի նշանակումները՝ առաջինը ՀՀ վարչապետի կողմից նշանակվեց Լեհաստանում։ Այժմ դիտարկում ենք մի քանի թեկնածուներ, առաջիկայում կլինեն նշանակումներ։ Ունենք նաև մեծ ցուցակ, որը ևս դիտարկվում է։ Ցուցակում ընդգրկված անձանց հետ ևս աշխատանք է տարվելու, և երբ պահը հասունանա՝ դիմելու ենք վարչապետին՝ նշանակման համար»,-ասաց Զարեհ Սինանյանն՝ ավելացնելով, որ հանձնակատարներն արտահաստիքային պաշտոններ են։

Սփյուռքի գործերի հանձնակատարների ինստիտուտի ներդրման միջոցով կընդլայնվեն Սփյուռքի գործերի գլխավոր հանձնակատարի գրասենյակի ցանցային կարողությունները։ Հանձնակատարների գործառույթն, ըստ Զարեհ Սինանյանի, շատ պարզ է։ Սփյուռքի գործերի գլխավոր հանձնակատարն ունի սահմանափակ աշխատակազմ, իսկ Սփյուռքը շատ մեծ է։ Հետևաբար` անհրաժեշտ են տեղերում մարդիկ, որոնք կապող օղակ կլինեն համայնքների ու Սփյուռքի հանձնակատարի գրասենյակի միջև։

«Նախկինում ունեցել ենք մի պրակտիկա, երբ մեր դիվանագետները եղել են համայնքային կոնտակտային անձինք։ Արդյունքում՝տեղծվել է իրավիճակ, երբ նրանք դիվանագիտությամբ չեն զբաղվել, այլ դարձել են համայնքային կցորդներ։ Մենք ուզում ենք խուսափել այդ ամենից և ձևավորում ենք հանձնակատարների ինստիտուտը։ Մենք Երևանից որևէ մեկին չենք ուղարկում համայնքներ, հանձնակատարին ընտրում ենք տեղում։ Նրանք լինելու են համայնքին հայտնի, համայնքի կրիտիկական հատվածի համար ընդունելի անձինք, որոնք կլինեն կապող օղակ համայնքների ու Սփյուռքի հանձնակատարի միջև»,-ասաց Զարեհ Սինանյանը։

Ընդհանուր հանձնակատարների քանակը կախված է լինելու տեղերում հայերի թվաքանակի, ժողովրդագրական խտությունից։ Որոշ երկրներում կլինեն շատ հանձնակատարներ, որոշ տեղերում՝ քիչ։ Այն երկրներում, որտեղ համայնքը փոքր է և կենտրոնացած մի տեղում, բազմաթիվ հանձնակատարների կարիքը չի լինի։ Այն երկրներում, որտեղ քաղաքից քաղաք կան հայ համայնքներ, բնական է, որ մի քանի հանձնակատարներ կնշանակվեն։

Զարեհ Սինանյանը տեղեկացրեց, որ առաջիկայում նշանակումներ սպասվում են արևմտյան Եվրոպայի մի քանի երկրներում։

Հեղինակ՝ Աննա Գզիրյան

Օպերատոր՝ Հովհաննես Մկրտչյան

Հայերեն English Español Русский

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել