Լյուքսեմբուրգի համայնքը աջակցում է VIVA բարեգործական հիմնադրամին. 11․500 եվրո է հատկացվել Լեռնային Ղարաբաղից բռնի տեղահանվածներին

2 րոպեի ընթերցում

ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ։ Լյուքսեմբուրգի Բեթեմբուրգ համայնքը հայտարարել է նախաձեռնության իրականացման մասին, որի նպատակն է օգնել Լեռնային Ղարաբաղից տեղահանվածներին։ Համայնքի յուրաքանչյուր բնակիչ նվիրաբերել է 1 եվրո, որի արդյունքում ընդհանուր գումարը կազմել է 11500 եվրո։

Տեղահանվածներին օգնություն տրամադրող VIVA բարեգործական հիմնադրամը նոյեմբերի 1-ին հայտարարել է արցախցի հայրենակիցների համար միջնաժամկետ և երկարաժամկետ օգնության 5 ծրագրերի մասին։

«Արմենպրես»-ի փոխանցմամբ՝ ինչպես նշվում է հիմնադրամի տարածած հաղորդագրության մեջ, նախաձեռնությունը կյանքի է կոչվել նաև Լյուքսեմբուրգում ՀՀ դեսպան Տիգրան Բալայանի կատարած աշխատանքների շնորհիվ, ով դիմել է մի շարք համայնքների և մասնավոր կազմակերպությունների՝ ոչ միայն տեղահանվածներին օգնություն ցուցաբերելու կոչով, այլև՝ տարածաշրջանում կատարված հումանիտար աղետի մասին տեղեկացնելու նպատակով։ Նրա կոչին արձագանքել է Բեթեմբուրգի համայնքն՝ իր ծրագրով և քաղաքապետ Լորան Զեյմետը՝ իր ակտիվ մասնակցությամբ՝ քաղաքապետարանի անդամներ Գուստի Գրասի և Ռոբի Բիսերի հետ միասին։ Հավաքված գումարը փոխանցվել է VIVA բարեգործական հիմնադրամին։

Միջոցները կուղղվեն «Մայրություն և մանկություն» ծրագրի իրականացմանը, որն արդեն հիմնադրամի հովանավորությամբ, բժշկական և սոցիալական աջակցություն է ապահովում ԼՂ-ի 320 խնամակալության տակ գտնվող հղիների:

Հիմնադրամի համահիմնադիր և ղեկավար Տատյանա Հովհաննիսյանը վստահեցնում է, որ նման նախաձեռնությունը կդառնա օրինակ, թե ինչպես յուրաքանչյուր մարդու կողմից արված փոքր ներդրումը կարող է էական, դրական փոփոխությունների բերել կարիքավորների կյանքում. «Նմանատիպ բարի քայլերը օրինակ են, որ օգնությունը Հայաստանին կրում է միջազգային արձագանք: Ի վերջո, հայտնի է, որ «մարդկանց պետք են մարդիկ!»։ Մենք հավատում ենք՝ մարդկանց հոգատարությունը վստահեցնում է, որ ընդհանուր ջանքերով մենք կարող ենք փոխել աշխարհը՝ ստեղծելով աշխարհ սահմաններից և քաղաքականությունից դուրս»,- ասել է նա:

Հայերեն العربية Русский

Հայտնաբերվել է զինծառայողի դի՝ հրազենային վնասվածքով. ՊՆ

Սեդա Ղուկասյանը նշանակվել է Կենտրոնական բանկի հասարակայնության հետ կապերի բաժնի պետ

Պերուն արտակարգ դրություն է հայտարարել վառելիքի պակասի սպառնալիքի պատճառով

Նոր Սահմանադրության ընդունումից հետո խաղաղության համաձայնագրի ստորագրման և վավերացման երաշխիքներ կան․ Փաշինյան

ԱՄՆ-ում Իրանին մեղադրել են երկրի կարևորագույն ենթակառուցվածքների դեմ կիբերհարձակումներ իրականացնելու մեջ

Վարչապետը պարզաբանել է, թե ինչու Հայաստանը չի միացել Դուբլինի հռչակագրին

Պուտինը և Թրամփը կհանդիպեն Ասիա-խաղաղօվկիանոսյան տնտեսական համագործակցության գագաթնաժողովի լիագումար նիստից հետո

Վարչապետը նոր Սահմանադրության օրակարգն առաջ մղելու երկու ճանապարհ է ներկայացրել

Երևանում տներից մեկում բռնկված հրդեհը մարվել է․ հրշեջ-փրկարարները կանխել են կրակի տարածումը հարակից տներ

ԱԳՄԱ նախարարը գերիների հարցի լուծումը կապել է խաղաղության համաձայնագրի ստորագրման և համագործակցության հետ