Վարչապետն այսօրվա դրությամբ իրատեսական չի համարում բռնի տեղահանվածների վերադարձը Լեռնային Ղարաբաղ

2 րոպեի ընթերցում

ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ։ Լեռնային Ղարաբաղից բռնի տեղահանված անձանց՝ իրենց տներ վերադարձի հարցը տարբեր միջազգային հարթակներում քննարկվում է։

Ինչպես հաղորդում է «Արմենպրես»-ը, ուղիղ հեռարձակման ժամանակ այս մասին հայտարարեց վարչապետ Նիկոլ Փաշինյանը ՝ պատասխանելովքաղաքացիների հարցերին։

«Ես այդ թեմայի առնչությամբ քննարկումներ ունենալով և վերլուծելով՝ հասկանում եմ, որ այսօրվա դրությամբ այդ վերադարձը իրատեսական չէ։ Ինչո՞ւ, որովհետև սեպտեմբերի 19-ից հետո ստեղծվեց այն իրավիճակը, որը Լեռնային Ղարաբաղի մեր քույրերին և եղբայրներին ստիպեց հեռանալ Լեռնային Ղարաբաղից։ Էթնիկ զտման միջավայրը և քաղաքականությունը չի փոխվել։ Հետևաբար, եթե մարդկանց վերադարձը այսօր և այս պայմաններում իրատեսական լիներ, նրանք այնտեղից ընդհանարապես չէին վերադառնա»,- ասաց Փաշինյանը։

Վարչապետը վերահաստատեց կառավարության քաղաքականությունը, ըստ որի՝ եթե Լեռնային Ղարաբաղից բռնի տեղահանված անձինք իրենց հայրենիք, իրենց ծննդավայր վերադառնալու հնարավորություն չունենան, ամեն ինչ կանեն, որ նրանք մնան Հայաստանի Հանրապետությունում և Հայաստանի Հանրապետությունից չարտագաղթեն։

«Լեռնային Ղարաբաղից բռնի տեղահանումից հետո տեսնում էինք, որ Հայաստանից հեռացող լեռնային ղարաբաղցիների ահագին մեծ հոսք կա։ Իհարկե, դա մեզ անհանգստացնում էր, բայց կռահում էինք, որ մարդիկ ուղղակի երկար ժամանակ ճամփորդելու հնարավորություն չեն ունեցել և, գուցե, գնում են Ռուսաստան, Եվրոպա և այլ երկրներ իրենց հարազատներին տեսակցելու։ Եվ մենք հետո տեսանք հետ վերադարձի հոսքը։ Հիմա արձանագրում եմ, որ շոշափելի արտագաղթ Լեռնային Ղարաբաղից բռնի տեղահանված մեր քույրերի և եղբայրների շրջանում չկա և այդ առումով ուզում եմ իմ գոհունակությունը արտահայտել»,- ասաց վարչապետը։

Հայերեն العربية English Français Русский

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ