Պաշտպանության ոլորտի կապիտալ ծախսերը կազմելու են 555 միլիարդ դրամ․ Ֆինանսների նախարար
1 րոպեի ընթերցում
![Պաշտպանության ոլորտի կապիտալ ծախսերը կազմելու են 555 միլիարդ դրամ․ Ֆինանսների նախարար](http://armenpress.am/resized/480/static/news/b/2023/10/1123117.jpg)
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ։ 2024 թվականի պետական բյուջեով պաշտպանության ոլորտի կապիտալ ծախսերը կազմելու են 555 միլիարդ դրամ։ ԱԺ մշտական հանձնաժողովների համատեղ նիստում 2024 թվականի պետական բյուջեի նախագծի նախնական քննարկումների ժամանակ այս մասին հայտարարեց Ֆինանսների նախարար Վահե Հովհաննիսյանը։
«Պաշտպանության նախարարության ծախսերը կազմելու են 555 միլիարդ դրամ։ Դրանք 7 տոկոսով ավելին են, քան 2023 թվականին և կազմում են համախառն ներքին արդյունքի 5,3 տոկոսը»,- «Արմենպրես»-ի փոխանցմամբ՝ ասաց Հովհաննիսյանը։