396.58
ՀՀ-ն ունի էներգետիկ անվտանգության իր ռազմավարությունը, Թուրքիայի պահանջներն անտեղի և ժամանակավրեպ են. Խանդանյան
1 րոպեի ընթերցում
ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ: Հայկական ատոմակայանը փակելու Թուրքիայի պահանջներն անտեղի ու ժամանակավրեպ են:
«Արմենպրես»-ի փոխանցմամբ՝ այս մասին ընդգծեց Հայաստանի ազգային ժողովի արտաքին հարաբերությունների հանձնաժողովի նախագահ Սարգիս Խանդանյանը խորհրդարանում լրագրողների հետ զրույցում:
«Հայաստանն էներգետիկ անվտանգության շուրջ իր ռազմավարությունն ունի: Նման պահանջներն անտեղի են և ժամանակավրեպ: Հայաստանն այնպես է շարժվելու, ինչպես բխում է մեր էներգետիկ անվտանգությունից»,-ասաց Խանդանյանը՝ հավելելով, որ բազմիցս են եղել նման դիմումներ:
Պատգամավորն ընդգծեց, որ ամբողջ աշխարհն է ատոմային էներգիայի անցնում՝ ածխաջրածնային պաշարների հետ կապված:
Ավելի վաղ հայտնի էր դարձել, որ Թուրքիան դիմել է Ատոմային էներգիայի միջազգային գործակալությանը՝ (ՄԱԳԱՏԷ) Հայկական ատոմային էլեկտրակայանի գործունեությունը դադարեցնելու պահանջով։
Բաժանորդագրվեք մեր ալիքին Telegram-ում