Կրեմլից հայտնում են՝ Ստեփանակերտի և Բաքվի բանակցությունները տեղի կունենան խաղաղապահների ղեկավարության միջնորդությամբ
1 րոպեի ընթերցում
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինը Հայաստանի վարչապետ Նիկոլ Փաշինյանի հետ հեռախոսասազրույցում ողջունել է ռուս խաղաղապահների ակտիվ մասնակցությամբ ձեռք բերված համաձայնությունը՝ Լեռնային Ղարաբաղում ռազմական գործողությունների ամբողջական դադարեցման և սեպտեմբերի 21-ին Բաքվի և Ստեփանակերտի ներկայացուցիչների միջև բանակցությունների անցկացման վերաբերյալ
«Արմենպրես»-ի փոխանցմամբ՝ Կրեմլը մանրամասներ է ներկայացրել Փաշինյան-Պուտին հեռախոսազրույցից:
Ինչպես նշված է պաշտոնական հաղորդագրությունում՝ բանակցությունները տեղի կունենան ռուսական խաղաղապահ զորախմբի ղեկավարության միջնորդությամբ։
ԼՂ-ի և Ադրբեջանի ներկայացուցիչների հանդիպումը նախատեսված է սեպտեմբերի 21-ին Եվլախում: