1 րոպեի ընթերցում
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ։ Երևանի Հանրապետության հրապարակում սեպտեմբերի 19-ին ակցիայի մասնակիցների և իրավապահների միջև տեղի է ունեցել ընդհարում։
Հրապարակում ի սկզբանե հավաքվել էին արցախցի ուսանողներ, որոնց հետագայում միացել էին բազմաթիվ քաղաքացիներ՝ բարձրաձայնելով Արցախի ժողովրդի նկատմամբ Ադրբեջանի կողմից իրականացվող ցեղասպանական գործողությունների մասին իրենց տագնապը՝ կոչ անելով երկրի ղեկավարությանը միջոցներ ձեռնարկել Ադրբեջանի սանձազերծված ագրեսիան դադարեցնելու և արցախահայության փրկության համար:
Ակցիայի ընթացքում կառավարության շենքի մուտքի մոտ պատ կազմած ոստիկանների ցուցարարների միջև մի քանի անգամ հրմշտոց էր սկսվել, որի հետևանքով մեկ քաղաքացի մարմնական վնասվածքներ էր ստացել:
Ավելի բուռն ընդհարման պատճառ են հանդիսացել որոշ քաղաքացիների սադրիչ գործողությունները։ Իրավապահները, նախնական տեղեկությամբ, կիրառել են հատուկ միջոցներ, լսվել են պայթյունների ձայներ։
