Արցախի ՊՆ-ն հերքում է Ադրբեջանի ԱԱԾ տարածած հաղորդագրությունը
1 րոպեի ընթերցում
![Արցախի ՊՆ-ն հերքում է Ադրբեջանի ԱԱԾ տարածած հաղորդագրությունը](http://armenpress.am/resized/480/static/news/b/2023/09/1119820.jpg)
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանի ԱԱԾ տարածած հաղորդագրությունն այն մասին, թե իբր ՊԲ ստորաբաժանումները կատարել են դիվերսիոն ներթափանցում և Ահմեդբեյլի-Ֆիզուլի-Շուշի ավտոճանապարհի 58-րդ կմ. հատվածում իբրև թե տեղադրել հակատանկային ական, որի պայթյունի հետևանքով սեպտեմբերի 18-ին` ժամը 03:45-ի սահմաններում մահացել է երկու քաղաքացիական անձ, հերթական ապատեղեկատվությունն է։
Այս մասին «Արմենպրես»-ը տեղեկանում է Արցախի ՊՆ-ի տարածած հաղորդագրությունից:
Արցախի ՊՆ-ն հերքում է նաև Ադրբեջանի ՊՆ կողմից տարածված հայտարարությունը, թե իբր ՊԲ ստորաբաժանումները սեպտեմբերի 18-ին ժամը 23:50-ի սահմաններում կրակ են բացել Արցախի Հանրապետության Ասկերանի շրջանի օկուպացված տարածքներում տեղակայված ադրբեջանական դիրքերի ուղղությամբ։