Հայաստանի ԶՈւ-ն ադրբեջանական դիրքերի ուղղությամբ կրակ չի բացել. ՀՀ ՊՆ
1 րոպեի ընթերցում
![Հայաստանի ԶՈւ-ն ադրբեջանական դիրքերի ուղղությամբ կրակ չի բացել. ՀՀ ՊՆ](http://armenpress.am/resized/480/static/news/b/2023/09/1119640.jpg)
ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանի ՊՆ-ն հերթական ապատեղեկատվությունն է տարածել: «Արմենպրես»-ն այդ մասին տեղեկանում է Հայաստանի Հանրապետության պաշտպանության նախարարության տարածած հաղորդագրությունից:
«Ադրբեջանի պաշտպանության նախարարության հաղորդագրությունն այն մասին, որ սեպտեմբերի 15-ին ժամը 21։15-ից մինչև 22։05-ն ընկած ժամանակահատվածում Հայաստանի Հանրապետության ԶՈՒ ստորաբաժանումներն իբր կրակ են բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը»,- ասված է ՀՀ ՊՆ-ի հաղորդագրության մեջ: