ԱԺ-ն վավերացրեց ֆինանսական հաշիվների վերաբերյալ տեղեկությունների ավտոմատ փոխանակման համաձայնագիրը

3 րոպեի ընթերցում

ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Խորհրդարանը վավերացրեց «Ֆինանսական հաշիվների վերաբերյալ տեղեկությունների ավտոմատ փոխանակման մասին» իրավասու մարմինների բազմակողմ համաձայնագիրը, որը կարևոր դեր պետք է կատարի նաև փողերի լվացման դեմ պայքարում: «Արմենպրես»-ի փոխանցմամբ՝ համաձայնագիրը վավերացնելու մասին նախագիծն ԱԺ նիստում ներկայացրեց ՊԵԿ նախագահի տեղակալ Աշոտ Մուրադյանը:

Համաձայնագիրը ստորագրվել է 2014 թվականի հոկտեմբերի 14-ին: Մինչև հիմա համաձայնագրին միացել են ավելի քան 110 երկրներ:

Մուրադյանը տեղեկացրեց, որ համաձայնագրի նպատակն է 1998-ի հունվարին Ստրասբուրգում ստորագրված Հարկային հարցերով փոխադարձ վարչական աջակցության մասին կոնվենցիայի հիման վրա տեղեկությունների ավտոմատ փոխանակման միջոցով միջազգային հարկային պարտավորությունների կատարման ապահովումը և Տնտեսական համագործակցության և զարգացման կազմակերպության կողմից մշակված ավտոմատ փոխանակման ստանդարտների ներդրումը: «Համաձայնագիրը սահմանում է հարկային նպատակով օտարերկրյա ռեզիդենտների ֆինանսական հաշիվների մասին ավտոմատ փոխանակվող տեղեկությունների շրջանակը, դրանց ժամանակացույցն ու եղանակը»,-ասաց ՊԵԿ նախագահի տեղակալը:

Նա նշեց, որ հարկային մարմիններն արդեն իսկ փոխանակում են այդ տեղեկությունները, սակայն հարցումների հիման վրա: Համաձայնագիրը վավերացնելու պարագայում այն կիրականացվի ավտոմատ ձևով:

Տեղեկության փոխանակումը սկսելու համար անհրաժեշտ է, որ ՀՀ իրավասու մարմնի կողմից Տնտեսական համագործակցության և զարգացման կազմակերպության գլոբալ ֆորումի քարտուղարությանը ներկայացվեն համաձայնագրի 7-րդ հոդվածով նախատեսված ծանուցումները, այդ թվում, թե որ երկրների իրավասու մարմինների հետ է համաձայնության եղել, որ տեղեկությունները փոխանակեն: Այդպիսի տեղեկության փոխանակումը հնարավոր է տվյալ երկրների իրավասու մարմիններից ևս նման համաձայնություն ստանալու պարագայում:

«ՀՀ-ի համար համաձայնագրին միանալը համարում ենք արդյունավետ: Այն կարևոր դեր է կատարում փողերի լվացման դեմ պայքարի, ապօրինի ճանապարհով ձեռք բերված ֆինանսական միջոցների շարժին հետևելու նպատակով միջազգային համագործակցությունը խթանելու համատեքստում և բնականաբար հարկային վարչարարության բարելավման առումով,-ասաց Մուրադյանը:

Համաձայնագիրը վավերացնելու մասին նախագիծը քվեարկությամբ ստացավ 96 կողմ, 2 ձեռնպահ ձայներ:

Հայերեն Русский

Ջիվան Ավետիսյանի «Վերածնվածը» ֆիլմն արտերկրում ցուցադրվելուց հետո կբարձրանա հայաստանյան մեծ էկրան

Վադեֆուլը հայտարարել է, որ Ռուսաստանը չպետք է խոչընդոտի Հարավային Կովկասի մերձեցմանը Եվրոպայի հետ

Հայաստանը պատրաստ է Թուրքիայի հետ բաց սահման ունենալ հենց այսօր․ Ռուբինյան

Վրաստանում ավարտել են դեպի Ռուսաստանի սահման տանող կամրջի շինարարությունը

ԱԺ նախագահը չի կիսում Արմեն Գրիգորյանի եզրահանգումները

Հայաստանը չի ընդունում Սահմանադրության վերաբերյալ Ադրբեջանի մոտեցումը․ Ռուբինյան

Երևանում քննարկվում են բարձրագույն կրթության որակի ապահովման եվրոպական նոր չափանիշները

Ավինյանը ներկայացրել է Երևանի խցանումների խնդրի հնարավոր լուծումները

Ջերմուկում մայր արջը շրջում է ձագերի հետ․ ՇՄ նախարարությունը հորդորում է պահպանել անվտանգության կանոնները

Ռուբիոն դատապարտել է Իրանի հարձակումները Բահրեյնի վրա