398.97
ԼՂ տեղափոխված հումանիտար օգնությունը պարունակում է ռուսական արտադրության կենսական նշանակության ապրանքներ. Արցախի տեղեկատվական շտաբ
1 րոպեի ընթերցում
ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսական Կարմիր խաչի միջոցով Արցախի Հանրապետություն տեղափոխված հումանիտար օգնությունը պարունակում է ռուսական արտադրության կենսական նշանակության ապրանքներ: «Արմենպրես»-ի փոխանցմամբ՝ այս մասին նշված է Արցախի տեղեկատվական շտաբի տարածած հաղորդագրության մեջ:
«Ինչպես նախապես հայտարարվել էր, Ռուսաստանի Դաշնության կառավարությունը հանդես է եկել Արցախի Հանրապետությանը հումանիտար օգնություն տրամադրելու նախաձեռնությամբ:
Այսօր՝ սեպտեմբերի 12-ին, հումանիտար բեռը ռուսական Կարմիր խաչի միջոցով և այդ կազմակերպության մեքենաներով, հանրապետության իշխանությունների թույլտվությամբ մուտք է գործել Արցախի Հանրապետություն՝ Ասկերան քաղաքով: Օգնությունը պարունակում է ռուսական արտադրության կենսական նշանակության ապրանքներ»,- ասված է հաղորդագրության մեջ:
Արցախի տեղեկատվական շտաբից նաև հայտնում են, որ մանրամասները կներկայացվեն Արցախի հանրային հեռուստատեսության եթերում:
Բաժանորդագրվեք մեր ալիքին Telegram-ում