«Դվին» հյուրանոցի մոտ տեղի ունեցած հրավառության օրինականությունն ուսումնասիրվում է ՀՀ ոստիկանության կողմից
1 րոպեի ընթերցում
ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ։ Երևանի կենտրոնում`«Դվին» հյուրանոցի մոտ, ժամը 22:00-ի սահմաններում տեղի ունեցած հրավառության օրինականությունն ուսումնասիրվում է ՀՀ ոստիկանության կողմից: Այդ մասին «Արմենպրես»-ին տեղեկացրին ՀՀ ոստիկանությունից՝ ի պատասխան հարցի, արդյոք քաղաքացիների շրջանում դժգոհություններ առաջացրած հրառավարությունն օրինական կերպով է կազմակերպվել:
«Նախաձեռնվել է վարչական վարույթ՝ պարզելու դրա օրինականությունը: Բոլոր օրինազանց սուբյեկտները կենթարկվեն պատասխանատվության»,- ասացին ՀՀ ոստիկանությունից: