Լեռնային Ղարաբաղում օգոստոսի 29-ից ավելի է նվազել արտադրվող հացի ծավալը
1 րոպեի ընթերցում
![Լեռնային Ղարաբաղում օգոստոսի 29-ից ավելի է նվազել արտադրվող հացի ծավալը](http://armenpress.am/resized/480/static/news/b/2023/08/1118331.jpg)
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ։ Լեռնային Ղարաբաղում ցորենի աճող սղությամբ պայմանավորված՝ հատկապես Ստեփանակերտում՝ օգոստոսի 29-ից ավելի է նվազել արտադրվող հացի ծավալը:
«Արմենպրես»-ի հաղորդմամբ՝ այս մասին հայտնել են Լեռնային Ղարաբաղի «Գյուղի և գյուղատնտեսության աջակցության հիմնադրամ»-ից նշելով, որ այսօր և վաղը նախատեսվում է յուրաքանչյուր ընտանիքի վաճառել մեկական հաց:
«Պետական եկամուտների կոմիտեի, ոստիկանության և Ստեփանակերտի քաղաքապետարանի ներկայացուցիչները հացի արտադրամասերում վերահսկելու են հացի բաշխման գործընթացը: Միևնույն ժամանակ աշխատանքներ են տարվում եգիպտացորենի ալյուրի պատրաստման և հացի արտադրման ուղղությամբ, սակայն առկա տեղումների պատճառով եգիպտացորենի լայնածավալ հունձի աշխատանքները մի քանի օրով հետաձգվել են»,- ասված է հաղորդագրության մեջ: