Արցախցիները առևանգված երիտասարդների մասին տեղեկություն ստանալու պահանջով հավաքվել են Վերածննդի հրապարակում
1 րոպեի ընթերցում
![Արցախցիները առևանգված երիտասարդների մասին տեղեկություն ստանալու պահանջով հավաքվել են Վերածննդի հրապարակում](http://armenpress.am/resized/480/static/news/b/2023/08/1118264.jpg)
ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ։ Արցախի նախագահ Արայիկ Հարությունյանը օգոստոսի 28-ին՝ ժամը 21:00-ին ԱԺ նիստ է հրավիրել: «Արմենպրես»-ի փոխանցմամբ՝ այս մասին «ֆեյսբուք»-ի ուղիղ եթերում հայտարարել է ԱՀ նախագահին կից հակաճգնաժամային խորհրդի նախագահ Տիգրան Պետրոսյանը:
Նա նշել է, որ Ստեփանակերտի Վերածննդի հրապարակում բազմաթիվ քաղաքացիներ են հավաքվել: Արցախի հեղափոխական կուսակցության ղեկավար Արթուր Օսիպյանը կոչ է արել միանալ հանրահավաքին:
Հանրահավաքի մասնակիցներին հաջողվել է հանդիպել ԱՀ նախագահ Արայիկ Հարությունյանի հետ:
Հիշեցնենք, որ օգոստոսի 28-ին, Լաչինի միջանցքում Ադրբեջանի կողմից ապօրինի տեղակայված անցակետից ադրբեջանցիները առևանգել են երեք երիտասարդի: