Արցախ

Արցախի նախագահի նստավայրը զինված հարձակման է ենթարկվել․ 2 անձ բերման է ենթարկվել

1 րոպեի ընթերցում

Արցախի նախագահի նստավայրը զինված հարձակման է ենթարկվել․ 2 անձ բերման է ենթարկվել

ՍՏԵՓԱՆԱԿԵՐՏ, 28 ՕԳՈՍՏՈՍԻ, ԱՐՄԵՆՊՐԵՍ։ Արցախի Հանրապետության ոստիկանությունը օգոստոսի 28-ին, ժամը 03:05-ին հաղորդում է ստացել, որ Ստեփանակերտ քաղաքի Փետրվարի 20 փողոցում՝ Արցախի Հանրապետության նախագահի նստավայրի ուղղությամբ զինված հարձակում է տեղի ունեցել:

Ինչպես «Արմենպրես»-ին հայտնեցին Արցախի Հանրապետության ներքին գործերի նախարարությունից, դեպքի վայր մեկնած ոստիկանության օպերատիվ խումբը Մարտունի փողոցից նշված հանցագործությունը կատարելու կասկածանքով բերման է ենթարկել անսթափ վիճակում գտնվող 2 քաղաքացու՝ Ստեփանակերտ քաղաքի բնակիչներ Տ.Հ.-ին (ծնված 1983թ.) և Ա. Ա.-ին (ծնված 1981թ.):

Ոստիկանության ծառայողները պարզել են, որ գիշերը, ժամը 03:00-ի սահմաններում, նախնական համաձայնությամբ և ոգելից խմիչքների ազդեցությամբ՝ վերջիններս գնացել են նախագահի նստավայր և կրակոցներ արձակել շենքի և տարածքում ծառայություն իրականացնող անվտանգության աշխատակիցների ուղղությամբ: Նախապատրաստված նյութերը ուղարկվել է քննչական կոմիտե։

Փաստի կապակցությամբ ՔԿ-ում հարուցվել է քրեական գործ։

Բաժին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում